18 avgust kuni akademik To‘ra Mirzayev nomidagi Shofirkon tuman axborot-kutubxona markazida yosh avlodning mutolaaga bo‘lgan qiziqishini yanada kuchaytirish, ayniqsa, qizlar o‘rtasida kitobxonlik madaniyatini rivojlantirish maqsadida har oyning 18 sanasi “Kitobxon qizlar” kuni deb belgilashi munosabati bilan “Kitobga oshno qalb – nurli kelajak poydevori” mavzusida davra suhbati o‘tkazildi.
Tadbir davomida yangi adabiyotlar bilan tanishtirildi, kitobxon qizlar tomonidan O‘zbekiston Mustaqilligining 35 yilligiga bag‘ishlab yozilgan she’rlar tinglandi va o‘qigan kitoblari haqidagi taassurotlari tinglandi.
