Ona tili — millatning ruhi, xalqning o‘zligi va ma’naviyatining bebaho xazinasidir. Uni asrash va ardoqlash — milliy qadriyatlarimizni asrash demakdir.
Haqiqatan ham, ona tili har bir xalqning o’zligini, tarixini, urf-odatlarini va ma’naviy olamini aks ettiruvchi buyuk ne’matdir.
O‘zbekistonda O‘zbek tili bayrami kuni har yili 21-oktabr sanasida keng nishonlanadi. Shu munosabat bilan bizni yagona xalq sifatida birlashtirib turgan, Alisher Navoiy bobomizdan meros boʻlgan qutlugʻ oʻzbek tilimiz haqida akademik To’ra Mirzayev nomidagi Shofirkon tuman axborot-kutubxona markazi mutaxassislari tomonidan Xurshid Davronning “Ona tilim” she’ri asosida tayyorlangan chellenjni havola etamiz.
