2026 yil 3 iyunda Shofirkon tumani axborot-kutubxona markazida “Kitobxon rahbar” klubining mashgʻuloti boʻlib oʻtdi. Unda viloyat axborot-kutubxona markazi rahbariyati hamda tuman va shahar axborot-kutubxona markazlari rahbarlari faol ishtirok etdilar.
Mashgʻulot davomida Shofirkon tumani axborot-kutubxona markazi rahbari va xodimlari tomonidan Baxtiyor Abdug‘afur qalamiga mansub “Uzbechka” kitobi taqdimoti o‘tkazildi. Tadbirda asar mazmuni, g‘oyaviy yo‘nalishi va badiiy xususiyatlari atroflicha yoritib berildi.
Shuningdek, tadbir davomida Shofirkon tumani tarixi va kutubxonaning bugungi faoliyatiga oid taqdimotlar namoyish etilib, ishtirokchilarga batafsil maʼlumotlar taqdim etildi. Qiziqarli savol-javoblar, erkin muloqot va fikr almashuvlar esa uchrashuvning yanada mazmunli oʻtishiga xizmat qildi.
Klub aʼzolari oʻz faoliyatidagi yutuqlar, mavjud muammolar hamda sohadagi dolzarb masalalar yuzasidan oʻzaro tajriba almashib, yangi tashabbus va gʻoyalarni ilgari surdilar.
