📚 “Bo’zla endi, bo’zto’rg’ay”
✍️ Najmiddin Ermatov
📜 Yosh ijodkor Najmiddin Ermatovning sheʼrlarida el dardini ko‘rasiz, o‘zligini izlayotgan, kamolotga talpinayotgan, umumning g‘amini o‘z g‘ami deb biluvchi, qalbi beorom tepib turgan sergak inson qiyofasini ko‘rasiz. Bunda tizginsiz yosh yurakning baravj va sarkash, toza va beg‘ubor telbaliklari bor. Bunda dunyo dargohida yashab kelayotgan nuroniy millatning eski anduhlari bor. Bunda erkinlik dasturxonidan tuz totib ulg‘ayayotgan navqiron avlodning ko‘ngil kengliklarida pindiq otgan erka umidlari bor. Ozod va ozoda qalb tug‘yonlari chekilgan ushbu moʻjaz to‘plam bilan sheʼr muhiblarini qutlashga haqlimiz.
